Vaga Servisu - Kondutor Kazual (pozisaun-12 ba munisípiu-12)

Marie Stopes Timor-Leste (MSTL)

Anúnsiu Vaga

Kondutór Kazual (pozisaun-12 ba Munisípiu-12)

19 Marsu 2018

Marie Stopes Timor-Leste (MSTL), nudár membru ida husi Marie Stopes International ba parseria global ne’ebé nudár organizasaun non-profit, espesializadu hodi suporta no hato’o atendementu saúde seksuál reprodutiva (SSR) no planeamentu familiar (PF) ho kualidade aas. Ami servisu ona iha Timor-Leste dezde tinan 2007 hodi suporta Ministériu da Saúde (MdS) hodi implementa estratéjia saúde reprodutiva nasionál hodi atinji meta nasionál ba saúde maternal iha Timor-Leste. Ami nia matadalan prinsipál maka atu suporta MdS hodi hato’o atendementu saúde reprodutiva oi-oin ho kualidade aas; asegura kualidade klinikál ne’ebé di’ak liu; no suporta hato’o atendementu ne’ebé fokus ba kliente no promove eskolla/hili.

MSTL agora daudaun buka hela ema Timoroan ba pozisaun Kondutór Kazual (pozisaun-12 atu baze iha Munisípiu; Aileu, Ainaru, Baucau, Bobonaro, Dili, Ermera, Lautem, Liquiça, Manatuto, Manufahi, Viqueque no RAEOA/Oecusse). Nudar membru ida husi ekipa programa nian, kondutor sei responsavel hodi tula pasajeiru MSI nian sira, sasaan, nomos manutensaun ba kareta MSI nian. Kondutor sei presija atu halo viajem ho frekuentemente,suporta atividade servisu ekipa no kliente nian karik presija.

Rekerimentu ba pozisaun:

Kualifikasaun

· Edukasaun remata Escola Secundaria)

· Iha karta kondusaun/SIM (kareta/ Motor nian)

Esperiénsia

Experensia servisu minimu tinan 2-5 iha area relevante

Skill (Abilidade)

Iha kompriensaun praktikal nian ba manutensaun kareta nian
Abilidade atu sai flexibel no suporta nesesidadee ekipa nian karik presija

Atitude

· Iha respeitu no komitmentu ba direitu individual nian hodi kontrola sira nia fertilidade rasik

· Hatudu komitmentu pesoál hodi kontinua dezenvolvimentu profisionál

· Fokus ba kliente

· Inovativu

· Bele adapta an no fleksivel

· Bele servisu iha situasaun ne’ebé stress

Kandidatu sira ne’ebe interesadu ba vaga refere tenke hatama sira nia karta aplikasaun ne’ebe se la liu husi pajina ida no deskreve sira nia skill relevante sira. Kandidatu sira mos bele inklui CV atuál no naran ema referensia nain tolu nian ho sira nia númeru kontaktu. No identifika munisípiu ne’ebé atu servisu ba.

Karta aplikasaun hotu-hotu tenke haruka ba Ana Maria da Costa, HR Manager, MSTL, Rua Belarmino Lobo, Bidau-Lecidere, ka liu husi email ba,sarmento@mariestopes.tl Aplikante sira bele husu detailu kona-ba deskrisaun servisu nian liu husi email ba endresu ne’ebe mensiona iha leten.

MSTL iha polítika protesaun ba labarik, favór nota hela katak kandidatu susesu sira sei presiza asina no hetan verifikasaun kle’an kona-ba komportamentu kandidatu nian ba asuntu protesaun ba labarik nian.

Tempu prazu hodi hatama aplikasaun hotu ba MSTL mak data 23 Marsu 2018. Sei kontaktu deit ba aplikante sira ne’ebe tama ba shortlist.